[便利店系列] 上回講到個墨汁八爪魚芝士韓式手卷係何其嘅震撼！今次我哋再接再厲，試吓佢嘅泡菜韓式手卷！ (我都知我好有探險精神架啦！所謂明知山有虎，偏向虎山行呀嘛! )
老老實實，今次呢個泡菜手卷真係比上次嗰個好少少嘅！起碼今次我條命硬過佢啲飯啦！今次照舊，打開係一啲香味都冇嘅！咬落去，嘩！泡菜味又走失左喇！（我知睇到呢度，你食覺得呢條野一啲可取之處都冇！ ）即係咁，又唔係咁差嘅呢！係就係無乜泡菜味，不過公平D講，佢都幾香口嘅！呢條野最吊詭嘅地方，就係你咬落去嘅時候，又唔覺辣咖噃，但你將有第二啖嘅時候，就唔知點解會陣辣味湧出來，但係下一啖又會消失左咖喎！如是者，食呢條野嘅時候，就不停好似鬼影變幻球咁樣！都唔知佢係辣定唔辣！
講返個餡料，佢間唔中會有條蟹柳出現，又間唔中有小好似酸蘿蔔嘅物體出現！如果講口感，有架！不過如果你話同泡菜嘅關係，我睇唔出囉！如果你唔當佢係韓式泡菜手卷嘅話，而當佢係一個有少少辣味嘅飯卷，咁都可以一試嘅呢！
提提你！七仔會教你將個手卷放係微波爐㩒3字，但我可以好肯定咁話你聽，呢個絕對唔夠令你個手卷變熱同埋將啲飯變腍！所以都係勸你叮耐少少！
Search